Texte - Aus ′CD3 Zapa live im Hexnhäusl′ ← Index ′CD3 Zapa live im Hexnhäusl′  


5) Der Kesselduft aus Solla (Winta 05)

De Dog wean küaza und de Bam valian de Bladl
Langsam weads koid und da Nebe steigt auf
Dann dauads nimma lang und de erstn Schneeflockn schwebn zum Bodn
Und mid da Berührung wias sanft landn kimmt des Gfui in mia auf.

I merk wia si oiwei öfter meine Gedankn blos no  darum drahn
Was nimm i mit und was ziag i o?
Denn es is wida Winter und es is scho ois bereit
Denn wenn da Schnee foid is wida Elefantentreffen Zeit.

Des is da Kesselduft aus Solla nach dem i süchtig bin
Is no so koid im Boarischn Woid da muas i hi! Da muas i hi!!
Des is da Kesselduft aus Solla  wei i danach glücklich bin
Is no so koid im Boarischn Woid da muas i hi !

Es is Mittwoch i hab frei und kos kaum mehr darwartn
I steh auf  und ziag mi ungeduldig o
Geh and Garage ziag an Hobe raus und dua mi grad so gfrein
Denn wia i losfahr fangts a grad o zum schnein.

Host Du schomoi midm Moped an Schneepfluag bei da arbad übahoid?
Des soitst da wirklich moi gebm denn des dean blos winterharte Biker erlebn.
Aufm weg zum:

Ref:

Spofacke übam Lagerfeia außen rum blos Eis und Schnee
Noß saukoid und trozdem is schee
Gspinade wosd hischaugst  ja des is des was ma daugt
In da Hand a Bier Du verstehst koa Wort doch Sie lacha mit Dir.

Ref:

Egal wosd hischaugst zufriedene Gsichta prosten ma zua
Sing mid de Motorsägn a Liad und griag nimma gnua  na i griag nimma gnua!
Egal wosd hischaugst z`fiedene Gsichta prostn mia vom Feia aus zua
Sing mit de Motorsägn a Liad und griag nimma gnua.MMIMMIMMMI!!!!!

Ref: