14) Der Schweinehund ! (10/2006)

A jeda kennt mi , a jeda hod mi ,
jeda bekämpft mi denn koana mog mi.
obwohl ich ein Teil vo dia bin ,denn i bin ja in dir drinn
weil i a Macht hab des duasd Du wissen
zum Schutz vor mir redst Du sogar vo Gwissn.

Konst mi ned oglanga,konst mi ned lenken,
konst mi ned fanga ,drohst mit Bedenken
doch I, i mach dir doch as Leben erst sche,
zwecks mia brauchst du a ned zum joggen geh,
durch mi gibt’s fernsehn Chips und Bier,
denn mit Dir mog i a ruhigs Leben führn.

I hab viele Gsichter ,doch i schaug imma guad aus.
I bin ned dei Richter denn mit mir lebst di aus.
Was scheißt da denn du wenn andane lacha?
Iß doch wenn’s schmeckt no mehr siaße Sacha !
Weast scho ned dick wean des buidst da blos ei,
ja nimm hoid no a Stückl oda zwei.

I bin da Schweinehund ! und i bin a in dia !
I bin da Schweinehund und du gheast a zu mia!

Ob dick und gsund ob schlank durch schwund gezwungen vom
 Diäten Plan getrieben in den Schlankheitswahn
Von Model maßen stets besessen doch jedn Tag MC Donalds essn.
Kann Sie sich plötzlich kaum mehr bücken
muß sich in jeden Fummel drücken,
an jedem Eck schon wachsen Schwarten die auf Wunderpillen warten.

Und da Schweinehund hat stets gewunnen und
Ihr ganz siaß ins Ohr nei gsungen :

Des geht scho des host da verdient,des geht scho weil’s ja eh keiner sieht
Kim trau Di sonst wärst ja bläd, denn I ! i verrat Di scho ned.

I bin da Schweinehund und i bin a in dia!
I bin da Schweinehund und du gheast a zu mia !

I bin ned in de Drogen drinn selbst Tablettn kena di ned vor mia rettn
I bin a ned im Alkohol a ned im Nikotin
 ziehts dich auch noch so dazu hin .
I bin a ned in Süßigkeitn nein nicht mal im Bier !
Denn i bin in Dir!!!!
I bin da Schweinehund und i bin a in Dia!
I bin da Schweinehund und Du gheast  zu mia!
I bin da Schweinehund und i bin a in Dia,dia ,dia,dia…