Texte - Aus ′CD3 Zapa live im Hexnhäusl′ ← Index ′CD3 Zapa live im Hexnhäusl′  


12) De Sanduhr (27.02.04)

Bis ma se so umschaugt-is scho wida weg!
vorhin wars no verschwumma weit-
Jetz is Da o Schreck !

Sie rennt und rennt und reißt uns mit
wurscht wiast Di a dagegen wehrst
obDu jedn Augenblick genießt oda bloß umananda reast!

Ref: As Lem is a Sanduhr –und a jeda is a Korn
denn a jeda auf dera Welt is moi geboren.
As Lem is a Sanduhr –und mia alle san da drin
I ko euch gar ned song wia Glücklich dass I bin!


Denn mit jedem Augenblick da ändert sich scho was.
`s kannt ja a was guad`s dabei sei
kimm gib eam a Chance

mach doch einfach as beste draus-reg Di ned glei auf
a wenn a moi was ned so klappt-
As Lem nimmt seinen lauf

Ref: S`Leben is a Sanduhr,und a jeda is a Korn……

Ärgern verursacht Magengschwür –und verkürzt as Lem
und mia gfoids so sackrisch Guad
I mog`s no erlebn.

Des Lem is a Sanduhr und a jeda is a Korn
denn a jeda auf dera Welt-
is moi geboren worn.!
As Lem is a Sanduhr und mia alle san da drin-
I ko euch gar ned song wia Glücklich
I darüber bin.!!